Байқоңыр қалалық соты Қазақстан Республикасының Қылмыстық кодексінің 188-бабы 3-бөлігінің 3)-тармағымен Н. деген азаматқа қатысты қылмыстық іс қарады.
Сотталушы Н. бес қабатты үйдің бірінші қабатында орналасқан пәтерлердің біріне заңсыз кіріп, жәбірленуші Д.-ға тиесілі жалпы құны 51 500 теңгені құрайтын 12 орам түс қағаздарын жасырын жымқырып, оқиға орнынан бой тасалаған. Осылайша, бөтеннің мүлкін тұрғын үй-жайға заңсыз кірумен жасырын жымқырып, жәбірленушіге материалдық зиян келтірген.
Сот талқылауында сотталушы өз кінәсін мойындап, жасаған әрекетіне өкінген.
Сот сотталушыны ҚР ҚК-нің 188-бабы 3-бөлігінің 3)-тармағымен кінәлі деп танып, оған 3 жыл мерзімге бас бостандығын шектеу жазасын тағайындап, бас бостандығын шектеудің барлық мерзіміне пробациялық бақылау белгіледі.
Байқоңыр қалалық соты
Жылдам ақпарат алу үшін Facebook, Instagram желілері мен Telegram каналымызға жазылыңыз!