ОБСЕ бағдарламасына сәйкес ҚР экология, геология және табиғи ресурстар министрлігінің қолдауымен «G-Global» жасыл экономика коалициясының өткізген «Жасыл кеңсе – 2022» республикалық конкурсының нәтижесі шықты.
Конкурстың мақсаты энергияны, суды және ресурстарды үнемдеудi ынталандыру, экологиялық таза технологияларды, тауарлар мен қызметтердi жылжыту, сондай-ақ қоршаған ортаға бағытталған жұмыста қолайлы жағдай жасауға жәрдемдесу болатын. Яғни мектептерді қоршаған ортаны қорғауға ынталандыру еді.
Конкурсқа еліміз бойынша жүз мектеп қатысқан. Соның ішінен Астана қаласындағы №83 гимназия, Павлодар қаласының мамандандырылған мектебі, Маңғыстау қаласының мектебі және Қызылорда облысының Серәлі Лапин Атындағы №261 мектебі жеңіске жетті. Бұл жеңіске оқушылар, биолог, химик, физиктер және барша ұжым мен ата-аналар өз үлестерін қосқан.
– Бұл – бір айғы емес үш жылғы еңбек. Байқауға жылыжай, күн батареясы, жел генераторы, су үнемдеу, ауыз суды фильтрлеу, қоқысты бөліп жинау, табиғатты қалдықтан тазарту, эко-жасақшылар, жарықты өшіріп жүру, қалдықты қайта өңдеу, дәптерлер макулатурасы сияқты бірнеше бағыт бойынша жұмыстар ұсындық, – дейді мектеп директоры Қарлығаш Абдрахманова.
А.АЙТЖАН
Жылдам ақпарат алу үшін Facebook, Instagram желілері мен Telegram каналымызға жазылыңыз!