Іш сүзегі – Salmonella typhi бактериясынан туындаған ауыр жұқпалы ауру, тропиктік және субтропиктік белдеудегі, әсіресе сумен қамтамасыз етілмеген және санитарлық деңгейі төмен елдерге тән. Бұл ауыр жағдай және емделмеген кезде асқынуларға әкелуі мүмкін.
Инфекция көздері көбінесе ауру адамдар немесе бактериялардың тасымалдаушылары болып табылады. Іш сүзегі ластанған беттермен байланыста болған кезде ластанған тағамды немесе суды тұтыну арқылы таралады.
Инфекцияның адам ағзасына енуінің негізгі механизмі фекальды-ауыз арқылы, яғни қоздырғыш қоршаған ортаға зәр және нәжіс арқылы таралады, бактериялар көбінесе нашар жуылған қолдарда көбейеді және тамақ арқылы ауыз қуысына түседі.
Іш сүзегінің белгілері: бас ауруы, әлсіздік және шаршау, бұлшықеттердің ауыруы, тершеңдік, тәбет пен салмақтың төмендеуі, ұйқының бұзылуы, терінің бозаруы және бетінің ісінуі. Қан қысымының төмендеуі, құрғақ жөтел, іштің төменгі бөлігіндегі ауырсыну және іш қату байқалады. Аурудың шыңында науқастар әлсіздікке, ұйқышылдыққа және құлақ естімеуге шағымданады.
Алдын алу мақсатында:
- жеке гигиена ережелерін сақтау
- қолданар алдында көкөністерді, жемістер мен жидектерді мұқият жуу
- ішуге тек бөтелкедегі немесе қайнаған суды пайдалану
- аумақтан ағынды суларды және қалдықтарды уақтылы шығару, шыбын-шіркеймен күресу
- базардан сатып алынған және термиялық өңдеуден өтпеген, яғни қайнатылмаған шикі сүтті тағамға пайдалануға жол бермеу
- көше тағамдарын жеуден және ықтимал ластанған суларда шомылудан аулақ болыңыз.
Динара Жанабергенова
Қызылорда облысының санитариялық-эпидемиологиялық
бақылау департаменті басшысы
Жылдам ақпарат алу үшін Facebook, Instagram желілері мен Telegram каналымызға жазылыңыз!