Облыс көлемінде 2023 жылдың 11 айында туберкулез ауруының 372 жаңа жағдайы тіркелді. Туберкулез ауруының 89% – өкпе туберкулезін, оның ішінде 35% – туберкулездің жұқпалы түрін құрады. 2022 жылдың 11 айымен салыстырғанда туберкулездің тіркелуі 20 жағдайға, өкпе туберкулезі 5 жағдайға, ал туберкулездің бактерия бөлетін түрі 26 жағдайға төмендеген.
Туберкулез ауруының 14 жасқа дейінгі балалар арасында 27 жағдайы, жасөспірімдер арасында-26 жағдай тіркелді, өткен жылдың осы мерзімімен салыстырғанда бір деңгейде қалыптасты.
Туберкулез ошағындағы 4145 қарым-қатынастағы тұрғындар есепке алынып, медициналық бақылау орнатылып, тиісті зерттеп-тексеруден өткен.
Есепті мерзімде облыс бойынша дүниеге келген 17 269 сәбидің 16 750-і туберкулезге қарсы вакцинациядан өтті, қалған 519 сәби медициналық қарсы көрсетілімдеріне байланысты екпеден уақытша шеттетілген. Облыс бойынша 6-7 жас аралығындағы 2106 балаға туберкулезге қарсы ревакцинация жасалды.
Туберкулез – жұқпалы ауру. Инфекцияның негізгі көзі – науқас адам. Көбінесе туберкулез ауа тамшылары арқылы таралады.
Негізгі белгілері: екі аптадан астам жөтел, дене қызуының көтерілуі, кеуденің шаншуы, ентігу, жүдеу, тәбеттің жоғалуы, түнде тершеңдік, әлсіздік, тез шаршау.
Алдын алу:
– өмірдің 3-5 күнінде жасалатын жаңа туған нәрестелерді вакцинациялау;
– науқастарды ерте анықтауды ұйымдастыру, ол тәуекел тобындағы балаларға жыл сайынғы туберкулин диагностикасын және ересектер арасында флюорографиялық тексеруді жүргізу кезінде жасалады;
– рационалды және уақтылы тамақтану;
– темекі шегуден және алкогольді асыра пайдаланудан бас тарту;
– дұрыс еңбек режимін сақтау;
– салауатты өмір салтын ұстану.
Динара Жанабергенова
Қызылорда облысының санитариялық-эпидемиологиялық
бақылау департаменті басшысы
Жылдам ақпарат алу үшін Facebook, Instagram желілері мен Telegram каналымызға жазылыңыз!