Жақында Ерке Есмаханның жүкті екенін білген көпшілік жұлдызды жұптың гендер пати жасағанын асыға күтіп жүр. Алайда Ерке күйеуінің бұған қарсы екенін айтты. Бұл туралы Stan.kz ақпарат агенттігі хабарлайды.
Оқырманның: “Гендер пати қашан?” деген сауалына Ерке: “Райым құптамай отыр. Атып, бірдеңе істейік деп қанша айттым. Әлде де айтып көремін, бірақ болмайды-ау сол”, – деп жауап берді.
Желі қолданушылардан келген сұрақтардан Райымның қызғаншақ екенін де білдік.
Ерке Есмахан екінші сәбиін күтіп жүрсе де, шақыртулар мен ұсыныстардан бас тартпай, сахнада өнер көрсетіп жүр. Әншінің бұл әрекеті тыңдарманын алаңдатып қойған көрінеді. “Туғанша концерттерге шыға бересіз бе?” деген сұраққа ол: “Ұсыныстар өте көп. Директорым өзі реттеп, қай жерге барған дұрыс, соны айтып отырады. Шаршамай, шалдықпай, байыппен әзірге әнімді айтып жүре тұрамын ғой”, – деп жауап қайтарды.
Жылдам ақпарат алу үшін Facebook, Instagram желілері мен Telegram каналымызға жазылыңыз!