2000 жылдары халықтың ең сүйікті әншілерінің бірі болған, Мейрамбек Беспаевпен бірге орындаған әндері кеңінен таралған белгілі орындаушы Сандуғаш Стамғазиева «Астарлы ақиқат» бағдарламасына келіп, қазір немен айналысатынын, сахнадан неге алыстап кеткенін айтып берді, деп хабарлайды Skifnews.kz ақпараттық порталы.
«Қоштасудың қиыны-ай», «Сен болмасаң» әндері арқылы көптің сүйіспеншіліген бөленген Сандуғаш Стамғазиева 17 жылдан соң сұхбат беріп, жеке өмірі және шығармашылығы туралы айтып берді. Әншінің айтуынша, бірнеше жыл бойы бала тәрбиесімен айналысқандықтан, үйде отырып қалған. Оның сахнадан алыстап кетуінің басты себебі де осы.
«Өмірім 180 градусқа өзгереді деп мен өзім ойлаған жоқпын. Бірақ дүниеге бала алып келгеннен кейін балаға жақсы тәрбие беру керек, үйде отыру керек. Екі қыз бала менде, ұл бала болса бір жөн. Қыз балаға жақсылап қарау керек. Қыздарым жиі ауыратын, сосын үйде отыруға тура келді», — деді ол.
Жылдам ақпарат алу үшін Facebook, Instagram желілері мен Telegram каналымызға жазылыңыз!