Сенбі, 24 ақпан, 09:58

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№16 (2026)
24.02.2024
PDF мұрағаты

ШҚО-да полиция қызметкері әріптесін өлтірді деген күдікке ілінді (ВИДЕО)

11.10.2022

498 0

Шығыс Қазақстан облысында полицей әріптесін өлтірді деген күдікпен ұсталды, – деп хабарлайды Tengrinews.kz.

Бұл деректі Шығыс Қазақстан облысының полиция департаменті растады.

«10 қазанда ШҚО патрульдік полиция инспекторының өлімі бойынша ҚР Қылмыстық кодексінің 99-бабы 1-бөлігі (кісі өлтіру) бойынша соталды тергеу басталды. Қазіргі уақытта тиісті сараптамалар тағайындалды, оқиғаның мән-жайын анықтау үшін барлық қажет тергеу әрекеті жүргізіліп жатыр», – делінген ШҚО ҚД баспасөз қызметінің хабарламасында.

Сондай-ақ, бұл істе күдікті ретінде 36 жастағы жәбірленушінің серіктесі уақытша ұстау изоляторына қамалған.

«Оқиға орнына облыс прокуроры, Полиция департаментінің бастығы, сондай-ақ Ішкі қауіпсіздік басқармасының бастығы, ІІМ Әкімшілік полиция комитетінің өкілі аттанды. Қылмыстық істі тергеу жүріп жатыр. Бұл іс Қазақстан Республикасы Ішкі істер министрлігінің ерекше бақылауына алынды», – деп толықтырды ШҚО ДП өкілі.

Бейресми ақпарат көздерінің мәліметінше, полиция қызметкері түнде жұмбақ жағдайда қайтыс болған. Оның басы көлік есігі мен көліктің арасында қалып қойған. Қаза болған полицейді серіктесі тапқан. Күдіктінің айтуынша, ол әріптесінің көлікте жоқ екенін бірден байқамаған. Оқиға орнында марқұмның етігі мен сүйретілген іздері табылды.

Оқиға Алматыдағы тасжолда болған.

Оқиға орнында түсірілген видео сілтемеде: https://youtube.com/shorts/ZZ0biLvRNE8?feature=share

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: