Ресейдің Челябинск облысында маньяк қызды 14 жыл бойы қамауда ұстап, зорлап келген. Мәлім болғандай қыз қамауға түскенде жасы небәрі 19-да болған. Бұл туралы Stan.kz ақпарат агенттігі хабарлайды.
Владимир Ческидов пен Екатерина темір жол вокзалында танысқан екен, кейін олар Владимирдің үйіне келген. Бұдан соң қызды ешкім көрмепті.
Владимир 2009 жылдан бастап қызды жертөледе қамауда ұстап келген. Кейде соққыға жығып, мыңнан аса мәрте зорлаған. Сондай-ақ күштеп ішімдік ішкізген. Сондықтан кей жайттар қыздың есінде қалмаған. Жәбірленуші 14 жылдан кейін ғана қашып шығып, сұмдық жағдай туралы мәлімдеді.
Смолин ауылында Владимирдің үйін тінту кезінде тағы бір әйелдің мәйіті табылған. Алдын ала мәлімет бойынша марқұм 2010-2011 жылдары өлтірілген болуы мүмкін.
Life.ru басылымының мәліметінше Чискидов екі қызды бөлек қамап, бір-бірімен сөйлестірмеген. Қамаудан қашып шыққан Екатеринаның сөзінше, Владимир мен марқұм әйелдің арасында ұрыс болған. Кейін ол әйелді ұрып-соғып, пышақтап өлтірген. Көп ұзамай мәйітін бөлшектеп, ыдысқа салып, көміп тастаған.
Ер адамның әрекеті туралы анасы білген, алайды ұлының қылмысын жасырып келіпті.
Жылдам ақпарат алу үшін Facebook, Instagram желілері мен Telegram каналымызға жазылыңыз!