Полиция 8 наурызда сүйіктісіне сыйлық алғысы келген ер адамдарға ескерту жасап, алаяқтарға алданбаудың жолдарын айтты, – деп хабарлайды kursiv.media
Бұл туралы Алматы облысы полиция департаменті бастығының тергеу жөніндегі орынбасары Рустам Әбдірахманов хабарлады.
«8 наурыз қарсаңында алаяқтар белсенді әрекетке көшеді. Олар басқа біреудің Instagram-аккаунты мен ЖК-ны пайдаланады. «Жеңілдігі бар» деп жоқ тауарды сатады», – деп ескертті Рустам Әбдірахманов.
Алаяқтарға алданбау үшін басты қағидаларды ұмытпаған жөн. Оларға аз-кем тоқталсақ, күдік келтіретіндей төмен баға ұсынса, сақ болу керек. Аккаунт пен сатып алушылардың пікірлерін қарау қажет. Ұрынып қалмас үшін ресми дүкендерде сауда жасау сенімді.
«Ақшаңызға мұқият болыңыз», – деп ескертті полиция өкілі.
Рустам Әбдірахманов Алматы облысында қыздың қыр соңынан қалмаған жігіттің қамалғаны туралы хабарлаған еді.
Жылдам ақпарат алу үшін Facebook, Instagram желілері мен Telegram каналымызға жазылыңыз!