Сейсенбі, 06 желтоқсан, 16:13

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№97 (1901)
06.12.2022
PDF мұрағаты

Атсын таңым арайлап, алдан күліп

01.01.2022

550 0

Келді міне, Жаңа жыл, жаңа үміт,

Атсын таңым арайлап, алдан күліп.

Кетсінші өткен жылмен аты өшкір дерт,

Көңілдерде қалмасын жалған күдік.

Орнасын шаттық өмір баяғыдай,

Көңілім соны іздеп қоятын -ай.

Жаңа жылдан күтетін үмітім зор,

Жапырағын жақсылық жаятындай.

Кел, Жаңа жыл, әр үйге шаттық алып,

Шуағың төк еліме бақыт дарыт.

Әлем бізге қарасын қазағым деп,

Текті халық едік қой, отты халық.

Кел, Жаңа жыл, елімді жасандырып,

Қанында жоқ қазақтың жасандылық.

Барыс жылы төрге шық, қайраттана,

Сені күтіп, қаншама жасарды үміт.

Кел, Жаңа жыл, төрімді ұсынайын,

Күнім күліп, төбемде жүзсін Айым.

Шаңырақтар шаттықтан тербетіліп,

Ел еңсесі асқақтап тұрсын дәйім!

Кенжалы Ерімбетов

Тағы да оқыңыз: