Қазақстан Халық партиясының Әйелдер қанатының бастамасымен республикалық «Дені сау әйел – дені сау ұлт» акциясы аясында ҚХП Қызылорда облыстық Әйелдер қанаты медицина саласы қызметкерлерімен мазмұнды шара өткізді.
№3 қалалық емханада өткен жиынға дәрігерлер мен мейіргерлер қатысып, әйелдер денсаулығын сақтау, дұрыс тамақтану, зиянды әдеттерден бас тарту және салауатты өмір салтын ұстану мәселелері кеңінен талқыланды.
Кездесу барысында денсаулықтың қоғам үшін маңыздылығы ерекше атап өтіліп, әйелдің амандығы – отбасының, ал отбасының саулығы – тұтас ұлттың беріктігі екені айтылды.
Себебі дені сау әйел – жарқын болашақтың бастауы, ал саналы таңдау мен салауатты өмір салты – ұлт саулығының берік негізі. Осындай игі бастамалар қоғамға серпін беріп, келер ұрпақтың дені сау, рухы мықты болып қалыптасуына жол ашады.
Жылдам ақпарат алу үшін Facebook, Instagram желілері мен Telegram каналымызға жазылыңыз!