Бүгін, 2026 жылғы 26 ақпанда, Қазақстан Республикасы Қаржы министрлігінің Мемлекеттік кірістер комитеті азаматтарға шұғыл ескерту жасады, деп хабарлайды Zakon.kz.
Ведомство мәліметінше, соңғы уақытта Қаржы министрлігі Мемлекеттік кірістер комитеті басшылығының атынан жалған, алаяқтық сипаттағы хабарламалар жиілеген.
«ҚР ҚМ МКК қырағылық танытуға және жалған хабарламаларға сенбеуге, ақша қаражатын аудармауға, күмәнді сілтемелер бойынша өтпеуге, алынған хабарламалардың дұрыстығын тексеруге кеңес береді. Бұл хабарламаларды интернет-алаяқтар WhatsApp, SMS, әлеуметтік желілердегі хабарламалар арқылы жібереді – делінген комитеттің Telegram-арнасында жарияланған хабарламада.
Сондай-ақ ведомство азаматтарға тек ресми ақпарат көздеріне сенуді ескертті.
Жылдам ақпарат алу үшін Facebook, Instagram желілері мен Telegram каналымызға жазылыңыз!