Салық кодексінің жобасы бойынша Парламент Мәжілісінің жалпы отырысына Премьер-Министрдің Орынбасары – Ұлттық экономика министрі Серік Жұманғарин баяндама жасап, өзгерістерге тоқталды, – деп хабарлайды Тurkystan.kz.
Серік Жұманғариннің айтуынша, салықтық реформа аясында кейбір тауар санаттары үшін салық мөлшерлемесін арттыру ұсынылуда, бұл бастама «сән-салтанат салығы» деп аталып отыр.
Біз «сән-салтанат салығы» деп аталатын тауарлардың жекелеген санаттарына жоғары салық салуды ұсынамыз, – деді ол.
Осылайша, құны 450 млн теңгеден асатын жылжымайтын мүлік нысандарына мүлік салығының мөлшерлемесін арттыру көзделіп отыр. Бұған қоса, құны 75 млн теңгеден асатын жеңіл автокөліктерге, сондай-ақ қымбат теңіз кемелері мен ұшу аппараттарына акциздер енгізу жоспарлануда.
Әділдік мақсатында қымбат алкогольдік ішімдіктер мен сигараларға 10% акциз енгізу ұсынылды.
Жылдам ақпарат алу үшін Facebook, Instagram желілері мен Telegram каналымызға жазылыңыз!