Павлодарда жүргізуші мен жолаушылар жаяу келе жатқан жасөспірімді дөрекі сөйлегені үшін ұрып тастаған. Бұл туралы Polisia.kz сайты хабарлайды.
4 қыркүйек күні сағат 18.30-да колледж студенті Катаев көшесіндегі тротуармен жүрді. Көлік өтіп бара жатып, оған су шашып жіберді. Ал кәмелетке толмаған бала оған дөрекі түрде жауап берді. Мұны естіген көлік жүргізушісі тоқтап, жолаушыларымен бірге кәмелетке толмаған баланы ұрып тастады.
17 жастағы жәбірленуші ауруханаға жеткізілді. Қазіргі уақытта жүргізуші анықталды, ол 27 жастағы павлодарлық ер адам болып шықты. Оқиғаның қалған қатысушылары мен болған оқиғаның мән-жайы белгіленеді.
Осы факт бойынша ҚК 293-бабының 2-бөлігі «Бұзақылық» бойынша сотқа дейінгі іс басталды.
Жылдам ақпарат алу үшін Facebook, Instagram желілері мен Telegram каналымызға жазылыңыз!