Қызылорда облысы бойынша ҚАЖ департаментінің басты міндеттерінің бірі- сотталғандарды жұмыспен қамту. Қызылорда облысы бойынша ҚАЖ департаментінің №37 мекемесінде сотталғандардың 100 пайызы жұмыспен қамтылған. Олар қала аумағында 20-дан астам кәсіпкерде жұмыс жасайды. Мекеме әкімшілігі жуырда тағы бірнеше сотталғанды қала орталығындағы тігін цехына жұмысқа орналастырды. Тігінші ретінде жұмыс жасайтын әйел азаматшалар тігіннен хабары барлар. Олар киімді пішу, тігу жұмыстарымен айналысады. Көбінесе қыз-келіншектердің көйлектерін, формалы киімдер тігеді.
Біз тігін цехында барғанымызда тігіншілер қызу жұмыс үстінде екен. Тігінші Перизаттың айтуынша қажетті маталармен тігін цехынынң басшысы қамтамасыз етеді. Алдымен олар киім пішу жұмыстарын жасап, әрбір көйлектің өзіндік үлгісін жасап, ерекше тігілуіне мән береміз. Жалпы тігіншілікті анамның жанында жүріп үйренгенмін. Тігін машинасымен жұмыс жасау маған қиындық тудырмады. Жұмысқа бірден кірісіп, тапсырыстарды уақытында дайындап беріп жатырмыз. Жалақы уақытында беріледі. Өзімізге қажетті заттарды алып, артылғанын отбасыма жіберіп отырамын. Бостандықтың қадірін кеш түсінгеніме өкінемін. Жаза мерзімімді өтеп отбасыма тезірек ормалғым келеді. Көпбалалы анамын. Балаларымды сағындым. Жасаған қателігімнен сабақ алып жатырмын-»,- дейді сотталған азаматша.
Екінші азаматша Айнұр 2021 жылдан бері осы мекемеде жазасын өтеп жүр. Оның айтуы бойынша тігін машинасымен жұмыс жасауды осы мекемеге келіп үйреніпті. Әйел адам болған соң, қолымыздан ине мен жіп ұстау келеді. 4 жылдан бері жақсы тігіншіге айналдым десем болады. Қазіргі кезде жаздық футболкалар тігіп жатырмыз. Тапсырыстар бар, уақытылы тігіп беруге тырысамыз. Шамамен күніне 30 киім тігеміз. Жұмысым өзіме ұнайды. Бостандыққа шыққан соң, осы кәсіпті одан әрі дамытсам деген арманым бар. Іс тігу әйел адамды сабырлыққа, үнемшілдікке, төзімділікке үйретеді,-дейді сотталған әйел.
Ал ҚАЖ департаментінің №60 мекемесінде 13 жазасын өтеуші мекеменің өндірістік аймағындағы «Еңбек-Қызылорда» РМК-ның тігін цехында жұмыс жасайды. Олардың арасында да тігінші мамандығын оқып, диплом алғандар бар. Кәсіптік білімі жоқ сотталғандар мекеме жанындағы кәсіптік колледжде әр түрлі мамандықтар бойынша білім алады. Қазіргі таңда тігіншілер арнайы киімдер тігу үстінде. Тапсырыспен арнайы киімнен бастап, төсек- жабдықтарға дейін тігеді. Мекеменің өндірістік аймағында тігін цехынан басқа,нан цехы, қолөнер бұйымдарын жасайтын цех және кірпіш, пескоблок өнімдерін шығарады.
Қылмыс жасаған адамдарды қоғамға бейімдеу және еңбекке баулу – түзеу мекемесінің басты міндеттерінің бірі. Алдағы уақытта жаңа жұмыс орындарын ашып, жазасын өтеушілерді еңбекке тарту жоспарлануда. Тігін цехында еңбек етіп жүрген жазасын өтеушілерге бұл жұмыс – тек күнкөріс көзі ғана емес, сонымен қатар қоғамға қайта бейімделуге мүмкіндік. Олар өз қолдарымен жасаған әр бұйым арқылы өткен қателіктерін түзеуге, жаңа өмірге қадам басуға талпынады.
Жылдам ақпарат алу үшін Facebook, Instagram желілері мен Telegram каналымызға жазылыңыз!