Отырып ап жайлана,
Айтайын мен жәй ғана.
Тасбөгетте күн жауса,
Көше кетер лайлана.
Білемісің, Сыздықов?
Асфальт біткен, оу-құрғыр,
Боп кеткен бе бор кетік?
Көше біткен ой-шұңқыр,
Ойдым-ойдым ор тесік.
Білемісің, Сыздықов?
Көп көшеге жаңадан,
Бағаналар орнатты.
Қуанып-еді бар халық,
Жалғанбай үйге ол қапты.
Білемісің, Сыздықов?
Емхана тұр жүдеу боп,
Жағдайы жоқ оның да.
Жаңасы қашан салынар…
Жобасы бар ма қолыңда?
Айтшы, әкім – Сыздықов!
Әр ісіңді жоспарлы,
Кеңестің бе халықпен?
Үміт артар жастарды,
Жұмыспенен қамтып па-ең?
Айтшы, әкім – Сыздықов!
Тасбөгеттің төрінде,
Қанша кәсіп ашылды?
Мына айтқанның бәріне,
Қатырдың ба басыңды?
Айтшы, әкім – Сыздықов!
Қыс та қалды жақындап,
Көңіл де шіркін, жаз емес.
Баяу да болса ақырындап,
Атқарған ісің аз емес.
Бітпеген жұмыс көбірек,
Соған көңіл мәз емес.
Әзиз БАТЫРБЕКОВ
![](https://aqmeshit-aptalygy.kz/wp-content/uploads/2022/11/syzdyqov-1024x678.jpg)
![](https://aqmeshit-aptalygy.kz/wp-content/uploads/2022/11/tas-1024x678.jpg)
![](https://aqmeshit-aptalygy.kz/wp-content/uploads/2022/11/tasboeget-1.jpg)
![](https://aqmeshit-aptalygy.kz/wp-content/uploads/2022/11/syzdyqov-1-1024x576.jpg)
Жылдам ақпарат алу үшін Facebook, Instagram желілері мен Telegram каналымызға жазылыңыз!