Көк туы биік самғаған,
Бейбітшіл жолды таңдаған.
Ақындары алдаспан,
Азаттық жырын толғаған
Қазақстан – республикам менің!
Бақыты бастан таймаған,
Шаттықты өлкем жайнаған.
Қамбасы толы – алтын дән,
Тіршілік қызу қайнаған.
Қазақстан – республикам менің!
Даладай дархан даңқы бар,
Қазақы ата салты бар.
Ынтымағы жарасқан,
Ұлт пенен ұлыс халқы бар.
Қазақстан – республикам менің!
Дарысын мәңгі ырыс-бақ,
Шашайық шашу уыстап.
Адымдап алға басайық,
Көк туды мәңгі тік ұстап.
Қазақстан – республикам менің!
Гауһар ҚОЖАХМЕТОВА
Жылдам ақпарат алу үшін Facebook, Instagram желілері мен Telegram каналымызға жазылыңыз!