Денсаулық сақтау министрлігі жұмысы жоқ қазақстандықтардың медициналық сақтандыруын әкімдіктерге төлетуді ұсынды. Бұл туралы Stan.kz ақпарат агенттігі хабарлайды.
Министрлік мүмкіндігінше көп адамды әлеуметтік медициналық сақтандырумен қамтымақ. Сол себепті жергілікті әкімдіктер жұмыссыздардың әлеуметтік медициналық сақтандыру қорына ақша аударуы керек деген идея ұсынды.
«Талқыланған стандарттар мемлекет қарастыратын халықтың 15 санатына жатпайтын жұмыссыз азаматтарды қамтамасыз етуге бағытталады. Төлемдер жергілікті бюджет арқылы төленеді. Билік олардың жүйеге қатысуын қамтамасыз етуі керек», – деді Ажар Ғиният.
Министрдің айтуынша, бұл тәжірибе Ресейден алынған. Ол жақта жергілікті бюджет кейде халықтың жекелеген санаты үшін жасалады. Бұл жүйе көрші елде 96-98% деңгейінде табысқа жетуге мүмкіндік береді.
Жылдам ақпарат алу үшін Facebook, Instagram желілері мен Telegram каналымызға жазылыңыз!