Сырдария ауданында кәсіпкерлікке қолдау көрсетудің нәтижесінде ауылдық жерлерде өндіріс орындары көбейіп келеді. Бүгінде Қалжан ахун ауылында құрылыс саласына қажетті өнім шығаратын цех тұрақты жұмыс істеп, жергілікті нарықты сапалы материалдармен қамтамасыз етуде.
Қазіргі таңда цехта әртүрлі қоршау материалдары мен құм блоктары өндірілуде. Өндіріс орны тәулігіне 1000 дана құм блок шығаруға қауқарлы. Бұл өз кезегінде құрылыс материалдарына деген сұранысты өтеуге мүмкіндік береді.
Кәсіпкер алдағы уақытта өндіріс көлемін арттырып, жаңа жұмыс орындарын ашуды жоспарлап отыр. Өндірістік бағыттағы мұндай жобалар ауыл экономикасын дамытуға, кәсіпкерлік белсенділікті арттыруға және жергілікті тұрғындарды жұмыспен қамтуға оң ықпал етуде.
Жылдам ақпарат алу үшін Facebook, Instagram желілері мен Telegram каналымызға жазылыңыз!