Сейсенбі, 19 наурыз, 08:31

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№22(2032)
16.03.2024
PDF мұрағаты

Байқоңырдан Ресей-Америка экипажымен ғарыш кемесі ұшырылды

09.04.2021

2316 0

9 сәуір күні Нұр-Сұлтан қаласының уақытымен сағат 13:42-де Байқоңыр ғарыш айлағынан «Союз МС-18» көліктік басқарылатын кемесі (КБК) бар «Союз 2.1а» зымыран-тасығышы ұшырылды, деп хабарлайды ҚазАқпарат тілшісі.

«Ю.А.Гагарин» атауын алған басқарылатын кеменің бортында Халықаралық ғарыш стансасына құрамында «Союз МС-18» кемесінің командирі және ХҒС-65 эскпедициясы, Роскосмос ғарышкері Олег Новицкий, бортинженер-1, ресейлік ғарышкер Петр Дубров және бортинженер-2, NASA астронавты Марк Ванде Хай бар ресейлік-америкалық экипаж аттанды.

Бұл 49 жастағы Ресей ғарышкері Олег Новицкийдің ғарышқа үшінші рет ұшуы. Американдық 54 жастағы астронавт Марк Ванде Хай ғарышқа осымен екінші рет аттанды. Экипаждың ең жас мүшесі – 43 жастағы Петр Дубров ғарышқа алғашқы рет ұшып отыр.

Ұшыру штаттық режимде өтті. Зымыран-тасығыш сатыларының жоспарлы бөлінуі ұшыру циклограммасына сәйкес өтті.Старттың 10-ыншы минутында «Гагарин» ғарыш кемесі орбитаға шығарылды. «Союз МС-18» кемесінің Халықаралық ғарыш стансасымен түйісуі қысқа жүйе бойынша жүріп, старттан кейін шамамен үш сағаттан соң өтуі тиіс.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: