Жұма, 14 маусым, 18:10

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№46-2056
11.06.2024
PDF мұрағаты

Кәмелетке толмаған балалар сотталды

12.05.2024

529 0

Сурет:massaget.kz

Адамды пышақтап өлтірген кәмелетке толмаған балалар сотталды, – деп хабарлайды Massaget.kz.

Жоғарғы Соттың қылмыстық істер жөніндегі сот алқасы Д. мен М-ға қатысты істі кассациялық тәртіпте қарады.

Сот үкімімен кәмелетке толмаған Д. ҚК-нің 99-бабы 2-бөлігі 9), 14) тармақтарымен (кәмелетке толмағанға қатысты бұзақылық ниетпен жасалған кісі өлтіру) кінәлі деп танылып, оған 9 жылға бас бостандығынан айыру жазасы тағайындалған.

Кәмелетке толмаған М., ҚК-нің 293-бабының 3-бөлігінің 2) тармағымен (қару қолдана отырып бұзақылық) кінәлі деп танылып, оған 1 жыл 4 айға бас бостандығын шектеу жазасы тағайындалған.

Сот алқасы іс материалдары мен келтірілген дәлелдерді зерделей келе, Д. мен М.-ның кінәсі дәлелденді деген қорытындыға келді.

Туындаған жанжал кезінде Д.-ның жәбірленуші И.-ны пышақтап өлтіргені, одан И. қайтыс болғаны анықталды. Сотталған М., басқа жәбірленушіге жеңіл пышақ жарақатын салған. Д-ның қолында пышақ болғанын куә ғана емес, сотталған М.-да растаған. Куәнің айғақтарына сәйкес, Д.-ның соққысынан кейін жәбірленуші орнында тоқтап, футболкасын көтерген, оның астынан қан кету басталған.

Д. мен М.-ның кәнісі сондай-ақ беттестіру хаттамаларымен, тергеу эксперименттерімен, сот сараптамалардың қарытындыларымен дәлденді.

Сотталғандардың әрекеттері бұзақылық ниеттен жасалған деп дұрыс сараланады. Процеске қатысушылардың айғақтарынан белгілі болғандай, Д. мен М. жанжал басталғаннан кейін болмашы мәселе бойынша достарынан пышақ әкелуді өтінген, т.б. жанжалдың жалғасуына қасақана арандатып, ауыр қылмыстар жасау ниетінде болған.

 Жоғарыда айтылғандардың негізінде сот алқасы сот актілерін күшінде қалдырып, прокурордың наразылығын қанағаттандырудан бас тартты.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: