Бүгін мемлекеттік қызметке алғаш рет кірген және оны тоқтатқаннан кейін қайтадан кірген азаматтарға семинар ұйымдастырылды.
«Заң мен тәртіп» идеологемасын қоғамда ілгерілету тұжырымдамасын жүзеге асыру аясында өткен семинарда мемлекеттік қызметшілерге идеологеманың негізгі қағидаттары түсіндіріліп, құқық үстемдігі, баршаның құқық нормалары алдындағы теңдігі, құқықтық мәдениетті қалыптастыру бойынша ақпараттар берілді.
Семинарда ҚР мемлекеттік қызметі туралы Заңының негізгі бағыттары мен жаңашылдықтары таныстырылды, мемлекеттік қызметшілердің сыбайлас жемқорлыққа қарсы және мемлекеттік қызметте болуға байланысты шектеулері түсіндірілді.
Әдеп жөніндегі уәкіл Бағдат Әбдіқадырдың ұйымдастыруымен өткен жиынға Мемлекеттік қызмет істері агенттігінің облыстық департаментінің бас маманы Жанар Қозбағарова қатысып, баяндама жасады.
Жиын барысында қызметтік әдеп стандарттары, мүлікті сенімгерлік басқару, мүдделер қақтығысы, тәртіптік жауапкершілік мәселелері талқыланды.
Жылдам ақпарат алу үшін Facebook, Instagram желілері мен Telegram каналымызға жазылыңыз!