21 желтоқсанда Қызылорда қалалық Полиция басқармасының кезекші бөліміне облыс орталығының тұрғыны арызданды.
Белгілі болғандай, сол күні ол өзінің құрбысымен кездесіп, кафеде көңіл көтеріп отыруды шешеді. Кешкілік уақыт 22:00-ден өте үйіне оралған ол сөмкесінен әмиянымен қоса 50 000 теңге ақшасы жоқтығын анықтайды.
Іздестіру шаралары барысында 33 жастағы әйел, қала тұрғыны ұсталды.
Қазіргі уақытта Қазақстан Республикасы Қылмыстық кодексінің 188-бабының 1-бөлігімен (Ұрлық) сотқа дейінгі тергеп-тексеру басталды. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы қолданылды. Оқиғаның мән-жайы анықталуда.
Қызылорда қалалық Полиция басқармасының баспасөз қызметі