Болашаққа балта шабатын ең қауіпті кеселдердің бірі – есірткі. Ол адамды тәуелділіктің құрсауына түсіріп, еркіндігін тұсаулайды. 26 маусым – Халықаралық нашақорлыққа қарсы күрес күніне орай, ҚАЖ департаментіне қарасты №68 мекемесінде жазасын өтеушілер арасында профилактикалық іс-шара ұйымдастырылды. Бұл облыстық Полиция департаментінің есірткі бизнесіне қарсы іс-қимыл басқармасы қызметкерлерінің қатысуымен өтті.
Кездесу барысында есірткінің адам ағзасына, сана-сезіміне және өмір жолына тигізетін ауыр зардаптары жан-жақты түсіндірілді. Сонымен қатар, заңсыз есірткі айналымының құқықтық салдары мен қоғамға келтірер зияны кеңінен сөз болып, өмірдің ең үлкен байлығы – денсаулық пен дұрыс таңдау екені ерекше айтылды.
Мекеме бастығының тәрбие ісі жөніндегі орынбасары, әділет майоры Мирамбек Ұзақұлының айтуынша, мұндай кездесулер жазасын өтеушілердің өмірлік құндылықтарды қайта бағамдауына мүмкіндік береді.
З.Қонысжан,
№68 мекемесінің баспасөз қызметі
Жылдам ақпарат алу үшін Facebook, Instagram желілері мен Telegram каналымызға жазылыңыз!