Өмірдің күрделі кезеңіне тап болған жасөспірімдер үшін дұрыс бағыт-бағдар бұрынғыдан да маңызды. Келешектен күдер үзбеудің кепілі де осы іспетті. ҚАЖ департаментіне қарасты №68 мекемесінде айыпталушы кәмелетке толмағандармен кездесу ұйымдастырылды. Яғни, облыстық балалардың құқықтарын қорғау жөніндегі басқарманың басшысы мен бас маманы қатысып, жасөспірімдермен ашық әңгіме өрбітті.
Жиын барысында орта білім алудың маңызы, кәмелетке толмағандардың заңмен қорғалатын құқықтары, әлеуметтік қолдау тетіктері мен болашаққа деген сенімді қалыптастыру мәселелері талқыланды. Иә, жүздесудің негізгі өзегі де түсінікті шығар. Жасөспірімдердің қоғамнан шет қалмай, білім арқылы жаңа мүмкіндіктерге жол ашуына қолдау көрсету.
Әлбетте, әрбір дұрыс айтылған сөз бен дер кезінде көрсетілген қолдау жас буынның өміріндегі оң өзгерістің бастамасына айналуы мүмкін.
З.Қонысжан,
№68 мекемесінің баспасөз қызметі
Жылдам ақпарат алу үшін Facebook, Instagram желілері мен Telegram каналымызға жазылыңыз!