Дүйсенбі, 04 наурыз, 15:31

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№18 (2028)
02.03.2024
PDF мұрағаты

Оңтүстік Корея мен АҚШ ірі әскери жаттығуларын бастады

22.08.2022

715 0

Оңтүстік Корея мен АҚШ КХДР тарапынан қауіптердің күшеюіне байланысты кейінгі жылдардағы ең ірі әскери жаттығуларын бастады, – деп хабарлайды Reuters агенттігі.

Одақтастардың жыл сайынғы жазғы оқу-жаттығуы биыл Ulchi Freedom Shield деп өзгертілген, 22 тамызда басталды және 1 қыркүйекке дейін жалғасады. Оған ұшақтар, кемелер, танктер және он мыңдаған әскер қатысатын маневрлер кіреді.

Жаттығу 2017 жылдан бергі ең ауқымды және төрт жылда алғаш рет далада өткізіледі. Вашингтон мен Сеул коронавирус пандемиясына байланысты біршама қысқарғаннан кейін ауқымды жаттығуларды қайта бастауға ұмтылып жатқаны айтылды.

Өткен жылдары АҚШ пен Оңтүстік Корея жыл сайын көктем мен жазда ірі бірлескен жаттығулар өткізетін. Көктемде әдетте 10 000-ға жуық американлық және 200 000 корей әскерлері қатысқан тікелей атыс жаттығулары өткізілген.

АҚШ пен Оңтүстік Корея өздерінің жаттығуларын қорғаныс ретінде сипаттағанымен, Ulchi Freedom Shield Солтүстік Кореяның ашулы реакциясын тудыратыны сөзсіз, ол барлық одақтас жаттығуларды «шапқыншылық үшін репетиция» деп санайтыны айтылды.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: