KAZINFORM — Қазгидромет 21 тамызда ауа райына байланысты ескерту жариялады.
Бүгін еліміздің басым бөлігінде тұрақсыз ауа райы сақталады. Найзағай ойнап, жаңбыр, бұршақ жауады. Жел тұрып, елдің солтүстігінде, орталығында, шығысында, оңтүстік-шығыстың таулы аудандарында қатты жаңбыр жаууы мүмкін.
Батыс, оңтүстік-батыста ауа райы жауын-шашынсыз болады. Республика бойынша желдің күшеюі болжанған.
Елдің оңтүстігінде шаңды дауыл болып, түнгі және таңертеңгі уақыттарда солтүстікте, солтүстік-батыста, орталықта тұман болуы ықтимал.
Күндіз Батыс Қазақстан облысының батысында +35+38°С, Атырау облысында +34+39°С, Маңғыстау облысында +37+42°С қатты ыстық болады.
Айта кетейік, Шығыс Қазақстан облысында қыркүйек айының басында ауа райы ыстық болғанымен, кейін өңірдің жекелеген аудандарында үсік жүруі мүмкін.
Жылдам ақпарат алу үшін Facebook, Instagram желілері мен Telegram каналымызға жазылыңыз!