Бейсенбі, 28 наурыз, 15:32

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№24(2034)
23.03.2024
PDF мұрағаты

Тоқаев Қазақстанның Ауғанстандағы ахуалға қатысты қабылдаған шешімдері жайлы айтты

09.09.2021

769 0

Мемлекет басшысы Қасым-Жомарт Тоқаев Қазақстанның Ауғанстандағы ахуалға қатысты қабылдаған шешімдері жайлы сөз етті, деп хабарлайды Stan.kz ақпарат агенттігі. 

“Сенім грамоталарын қабылдау рәсімінде, елшілер алдында Қазақстанның Ауғанстандағы ахуалға қатысты қабылдаған шешімдеріне тоқталдым:  Ауғанстандағы күрделі дағдарыс жағдайында Қазақстанның прагматикалық сыртқы саясаты маңызды болып отыр. Соғыстан тоз-тозы шыққан бұл елмен ортақ шекарамыз болмаса да, Алматы мен Кабулдың арасы ұшақпен бір-ақ сағаттық жер. Мен ТМД, Еуропалық Одақ және Таяу Шығыстағы әріптестеріммен тығыз байланыста отырмын. Егер осындай ниет білдіретін болса, сіздердің мемлекеттеріңіз бен үкіметтеріңіздің басшыларымен ой-пікір алмасуға әрқашан дайынмын”, – деді Тоқаев.

Бұған қоса, мемлекет басшысы тәліптер келіссөздерге дайын болады деген үмітте екенін жеткізді. 

“Әзірге Ауғанстандағы дүрбелең өңірлік қауіпсіздік проблемаларына назар аудартып тұр. Қазақстан зорлық-зомбылықтың, заңсыз есірткі айналымының және Ауғанстаннан тыс жерлерге бақылаусыз көшіп кетудің алдын алу мақсатында сіздердің елдеріңізбен ынтымақтастық орнатуға дайын. Тәліптер біртұтас, инклюзивті және өкілетті  ұлттық үкімет қалыптастырып, өздерінің, шын мәнінде, байсалды позиция ұстанатынын және келіссөздерге бейілді екенін дәлелдейді деп үміттенемін”, – дейді президент.

Айтуынша, қазіргі таңда Ауғанстаннан дағдарыс кезінде теріс айналмау маңызды. 

“Қазақстан Ауғанстанның өз ішінде және көршілерімен тату-тәтті, бейбітшілікте өмір сүретін тұрақты, егемен және біртұтас мемлекет болғанын қалайды. Біз елде қалыптасқан гуманитарлық қиыншылықтарды шешу үшін конструктивті іскерлік байланыстар орнатуға дайынбыз. Халықаралық қоғамдастық Ауғанстанды қазіргідей дағдарыс кезінде қиыншылықтармен бетпе-бет қалдырмауы керек. Керісінше, біз болашақта Ауғанстанның экономикалық және орнықты дамуы үшін барлық іс-әрекеттеріміз бен жоспарларымызды жұмылдыруымыз керек», – деп қосты ол.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: