Танымал әнші Әли Оқапов әлеуметтік желідегі парақшасында өзіне дисфония диагнозы қойылғанын айтты, – деп хабарлайды Massaget.kz.
Халық әртісі Роза Рымбаеваның ұлы Әли Оқаповқа қойылған диагноз ән орындау кезінде дауыстың қарлығуына себеп болуы мүмкін.
Әли Оқаповтың айтуынша, бұл дертпен 5 жыл бойы күресіп келеді екен. Әнші дауысының нашарлауы стресс пен шамадан тыс шаршағанның кесірінен болғанын айтады.
«Қандай жағдай болмасын, мен өзіме сенемін және жаттығулар көмектеседі деп үміттенемін», – деп жазды ол.
Қарлығу, дисфония – дауыстың бұзылуы, бәсеңдеуі. Бұл – көмекейдің өткір, созылмалы аурулары салдарынан дыбыс жалғамаларының зақымдалуымен аяқталатын әртүрлі кеселдер.
Еске салайық, қазір Әли Оқапов «Жұлдызды жұп» бағдарламасына қатысып жатыр. Оның жобадағы серігі – танымал актриса Фариза Ескермес.
Жылдам ақпарат алу үшін Facebook, Instagram желілері мен Telegram каналымызға жазылыңыз!