Бейсенбі, 30 мамыр, 23:18

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№42-2052
28.05.2024
PDF мұрағаты

2022 жылдың 1 қыркүйегінен кейін әкелінген көліктер заңдастырылмайды – Әкімшілік полиция

13.07.2023

255 0

Келесі аптада шетелде есептен шығарылмаған көліктерді уақытша тіркеу шаралары басталады. Бұл туралы әкімшілік полиция комитетінің төрағасы Қайсар Сұлтанбаев мәлімдеді. Бұл туралы Stan.kz ақпарат агенттігі хабарлайды. 

Ішкі істер министрлігі Әкімшілік полиция комитетінің төрағасы Қайсар Сұлтанбаев 2022 жылдың 1 қыркүйегінен кейін әкелінген көліктерді заңдастыру мәселесі қарастырылмайтыны айтты,

«2022 жылдың 1 қыркүйегінен кейін әкелінген көліктерге қатысты айтсақ, оларды заңдастыру мәселесі қарастырылмайтынын айтайын. Азаматтарға заңдастыру біржолғы сипатта болатыны ескертілді. Бұдан былай ел аумағында шетелдік автокөліктерді заңсыз әкелу мен пайдаланудың жолдарын болдырмау үшін шаралар қабылданады. Мәселен, ағымдағы жылдың 12 қаңтарынан бастап заңнамалық өзгерістерге сәйкес Қазақстан азаматтары шетелдік автокөліктеріне автосақтандыру шартын жасай алмайды», – деді комитет төрағасы.

Айтуынша, Әкімшілік құқық бұзу туралы кодекс бойынша міндетті сақтандырусыз көлік жүргінгендер 10 айлық есептік көрсеткіш көлемінде айыппұл арқалайды.

«Сондай-ақ, аталған жағдайларда полиция қызметкерлері автокөліктерді ұстап, оларды арнайы автотұрақтарға жеткізуге құқылы. Қазіргі уақытта ішкі істер министрлігі халық арасында тиісті түсіндіру жұмыстарын жүргізуде», – деді Қайсар Сұлтанбаев.

Оның айтуынша, шетелдік көліктерді заңдастыру барысында көптеген жүргізушілер өз көлігін өзге елдің есебінен шығара алмады. Ондай автокөліктерді заңдастыруды кейінге қалдыруға шешім қабылданды. Бірақ оларды уақытша тіркеуге қою қажет.

«Уақытша есепке қою кезінде Қазақстан Республикасының көлік құралын тіркеу туралы куәлігі және мемлекеттік нөмірлік белгілері берілетін болады Тіркеу туралы куәлікте «уақытша есепке алу, иеліктен шығару және Қазақстан Республикасынан тыс жерлерге шығу құқығынсыз» деген жазбалары көрсетіледі», – деді Сұлтанбаев орталық коммуникациялар қызметінде өткен брифингте.

Ал шетелдік тіркеу құжаттары мен мемлекеттік белгілері мемлекеттік корпорацияға сақтауға тапсырылатын болады.

Оның айтуынша, уақытша тіркеуге қойылған автокөліктерді елден тыс жерлерге әкетуге шешім қабылданса, Қазақстанның тіркеу құжаттары мен мемлекеттік нөмірлерін тапсыру керек. Содан кейін оларға шет мемлекеттің тіркеу құжаттары мен мемлекеттік нөмірлері қайтарылады.

«Ал егер осы авткөліктерді Қазақстан азаматтары Қазақстанда бастапқы тіркеуді жүзеге асыру туралы шешім қабылдаса, алдымен, бұрынғы тіркелген елінде есептен шығарады. Сосын 200 000 теңге мөлшерінде бастапқы тіркеу үшін алым төлейді. Яғни, оларға заңдастыру шарттары қолданылатын болады және утилизациялық алым төленбейді», – деп атап көрсетті Сұлтанбаев.

Уақытша тіркеу шаралары 17 шілдеде басталады. Қазіргі кезде ондай көліктерді уақытша есепке қою үшін тиісті сервис әзірленіп жатыр.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: