Сейсенбі, 19 наурыз, 12:04

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№23(2033)
19.03.2024
PDF мұрағаты

NIS баспасөз қызметі халықаралық «Пресс служба года» байқауында жеңіске жетті

24.05.2022

1211 0

«Назарбаев Зияткерлік мектептері» дербес білім беру ұйымының баспасөз қызметі халықаралық «Пресс-служба года» байқауының жеңімпазы атанды.

«Отан үшін от кешкен батырдың біз ұрпағымыз!» — «Мы – внуки героев, прошедших сквозь пламя войны» жобасы мен Жеңіс марафонының медиа әрі PR қолдауы «Мемлекеттік саладағы үздік PR-жоба» номинациясында бірінші орынға ие болды.

2020 жылдың сәуірінде NIS оқушылары, мұғалімдері мен ата-аналарының Ұлы Жеңістің 75 жылдығына дайындығы кезінде елде толық оқшаулау режимі енгізіліп, мерейтойлық марафон онлайн форматқа көшті. Зияткерлік мектептердің әлеуметтік желілеріндегі ресми парақшаларда «Отан үшін от кешкен батырдың біз ұрпағымыз!» — «Мы внуки героев, прошедших сквозь пламя войны» ұраны басты тақырыпқа айналды. NIS-тің танымал әрі шынайы сезімдерге толы жобасына еліміздің барлық өңірлерінен әртүрлі жас, сала және ұлт өкілінен мыңдаған қазақстандық қосылды.

Бұқаралық коммуникация саласындағы танымал сарапшылар мен практиктер NIS-тің жаңа буын арасында азаматтық жауапкершілікті қалыптастыруға, сондай-ақ ел тарихы мен өз отбасына деген құрмет пен сыйластықты арттыруға бағытталған бірегей білім беру жүйесі мен отандық зияткерлік бренд ретіндегі табысты ұстанымына оң баға берді.

«Мемлекеттік саладағы үздік PR-жоба» номинациясының шорт-тізіміне Ленинград облысындағы Росатомның «Прививка креативности» және Юградағы ресейлік Ұлттық паралимпиада комитетінің «Поедем в Токио» жобалары да енгізілді. Қазылар алқасы NIS-тің корпоративтік стандарттары мен дәстүрлерінің ілгерілеуін, қазақстандық «Отан үшін от кешкен батырдың біз ұрпағымыз!» жобасының бірегей контенті мен ауқымдылығын, сондай-ақ шығармашылық ұжымның креативтілігі мен жүйелік алгоритмдерін (Мира Алипинова, Елена Рыбина, Махаббат Құдашева) ерекше атап өтті.

Бұл «Назарбаев Зияткерлік мектептері» дербес білім беру ұйымы баспасөз қызметінің беделді байқаудағы екінші жеңісі. 2018 жылы «Аймақты ілгерілету» номинациясы бойынша «NIS: қазақстандық білім берудің бренд-амбассадоры» жобасы бірінші орынға ие болды.

Белгілі «Пресс-служба года» журналы ұйымдастырған Media және Public Relations саласындағы мамандарға арналған халықаралық байқауға ТМД елдерінен 550-ден астам жоба ұсынылды.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: