Қазақстанда келесі аптада мектеп оқушыларының көктемгі демалысы басталады. Бұл туралы Білім және Ғылым министрлігі мәлімдеді деп Stan.kz ақпарат агенттігі хабарлайды.
“Демалыс 2022 жылғы 19 наурыздан басталып, 30 наурызды қоса алғанда 12 күнге созылады. Оқушыларымызға осы аптада жақсы оқып, тоқсандық бағаларын жақсартуларына тілектеспіз”, – деп хабарлады баспасөз қызметінде.
Айта кетейік, 2022 жылдың наурыз айында қазақстандықтар мереке және демалыс күндерін қосқанда барлығы 12 күн демалады. Ал Наурыз мейрамы 21-23 күндері аралығында тойланады, сондықтан қазақстандықтар бірден бес күн – 19, 20, 21, 22 және 23 күндері демалатын болады.
Жылдам ақпарат алу үшін Facebook, Instagram желілері мен Telegram каналымызға жазылыңыз!