Америкалық B-Team Jiu-Jitsu командасы UFC аты аңызға айналған Хабиб Нурмагомедовтың командасына қарсы грэпплинг жекпе-жегі Қазақстанда өтетінін жариялады. Бұл туралы Stan.kz ақпарат агенттігі Vesti.kz порталына сілтеме жасап хабарлайды.
Бұл ақпаратты B-Team мүшесі Этан Крелинстен растады.
«Командалық турнир Қазақстанда өтеді. Біздің команда Хабиб Нурмагомедовтың командасына қарсы. Хабибтің өзі күреспейді ол команданы жаттықтыратын болады», – деді Крелинстен The Simple Man подкастында.
Хабиб Нурмагомедов ММА мансабында 29 жекпе-жек өткізіп, 29 жеңіске жетті. 2020 жылдың қазан айында ол жеңіл салмақта UFC әлем чемпионы атағымен спорттық мансабын аяқтады.
Жылдам ақпарат алу үшін Facebook, Instagram желілері мен Telegram каналымызға жазылыңыз!