«Талибан» қозғалысының (Қазақстан аумағында тыйым салынған – авт.) өкілдері Ауғанстан астанасы Кабулға басып кірді, деп хабарлайды Reuters.
Бұл туралы агенттікке елдің Ішкі істер министрінің өкілі айтқан.
Еске салсақ, бұған дейін Мемлект басшысы Қасым-Жомарт Тоқаев Ауғанстандағы жағдай бойынша күштік құрылымдардың басшыларымен жиын өткізгені туралы хабарланды.
«Талибан» қозғалысының содырлары Ауғанстанның маңызды әрі ірі қалаларын басып алды. Халықаралық ұйымдар дабыл қағып Ауғанстанда соңғы 72 сағатта ондаған бала қаза тапқанын жариялады. Сондай-ақ, ҚР дипломатиялық миссиясы Кабулда шектеулі құрамда жұмысын жалғастыруда.
Жылдам ақпарат алу үшін Facebook, Instagram желілері мен Telegram каналымызға жазылыңыз!