Ресей Ішкі істер министрлігі Украина президенті Владимир Зеленский мен бұрынғы мемлекет басшысы Петр Порошенкоға іздеу жариялады. Бұл туралы Moscow Times басылымы хабарлайды.
Екеуі де Қылмыстық кодекстің баптары бойынша іздеуде. Бірақ министрлік олардың нақты қай бап бойынша іздеуге екенін айтпады.
“Владимир Александрович Зеленский, 1978 жылы 25 қаңтарда дүниеге келген. Қылмыстық кодекстің бабы бойынша іздеуде», – делінген хабарламада.
Мәліметтер базасында іздеуде жүрген адамның туған жері – Украинаның Днепропетровск облысы, Кривой Рог көрсетілген.
Порошенко да Қылмыстық кодекстің бабы бойынша іздеуде. Оның туған күні мен жері көрсетілген: 1965 жылы 26 қыркүйек, Украинаның Одесса облысы, Болград қаласы.
Сонымен қатар Украина Қарулы Күштері Құрлық әскерлерінің қолбасшысы Александр Павлюкқа іздеу жарияланды.
Жылдам ақпарат алу үшін Facebook, Instagram желілері мен Telegram каналымызға жазылыңыз!