Астанада тұрғын үйлердің бірінде ер адам үш балаға шабуыл жасады. Бұл туралы Stan.kz ақпарат агенттігі хабарлайды.
Әлеуметтік желілерде ер адамның бір баланы бетінен тартып қалып, екіншісін теуіп, үшіншісін қылқындырып жатқан сәті түсіп қалған видео тарады.
Оқиға «Эдем палас 2» тұрғын үй кешенінде болған. Бұл жайттан кейін балалардың ата-анасы полицияға арыз жазды.
«Байқоңыр аудандық полиция басқармасы сол үйдің 30 жастағы тұрғынын ұстады. Бұзақылық фактісі бойынша қылмыстық іс қозғалды. Сотқа дейінгі тергеу жүріп жатыр», – деді Астана қаласының полиция департаменті.
Жылдам ақпарат алу үшін Facebook, Instagram желілері мен Telegram каналымызға жазылыңыз!