Бүгін “AMANAT” партиясы Қызылорда облыстық филиалының төрағасы Жандос Базартай “ZEYIN” білім беру орталығында өткен «ZEYIN GRADUATION 2026» салтанатты кешіне қатысты.
Ерекше форматта ұйымдастырылған кеш оқушылардың жетістіктерін ұлықтап, ұстаздар мен ата-аналардың еңбегін бағалауға арналды.
Шара барысында орталықтың құрылу тарихы, жетістіктері және оқушылардың жеңістері қамтылған арнайы бейнеролик көрсетілді.
Іс-шараның құрметті қонағы болған Жандос Базартай халықаралық және республикалық олимпиадалардың жеңімпаздарын марапаттады. Сонымен қатар өз сөзінде жас буынның сапалы білім алуы – ел болашағының кепілі екенін атап өтіп, оқушыларға сәттілік пен биік белестер тіледі.
Кеш барысында ZEYIN ұстаздарына, оқушылардың жетістігіне үлес қосқан мұғалімдер мен ата-аналарға алғыс айтылып, арнайы құттықтау сөздер арналды. Сондай-ақ 4, 5 және 6-сынып оқушылары түрлі номинациялар бойынша марапатталып, бағалы сыйлықтарға ие болды.
Бұл кеш — тек марапаттау рәсімі ғана емес, білімге ұмтылған жастардың еңбегін бағалап, олардың болашаққа деген сенімін арттырған ерекше шара болды.
Жылдам ақпарат алу үшін Facebook, Instagram желілері мен Telegram каналымызға жазылыңыз!