Ақтауда көпқабатты үйдің маңынан қыз өлі табылған. Қайғылы оқиға 10 қазанда кешке 17-шағынауданда болған, – деп хабарлайды Massaget.kz Lada.kz-ке сілтеме жасап.
Оқиға орнына жедел жәрдем бригадасы мен жедел тергеу тобы барды. Мәліметтер нақтыланып жатыр.
Полицияның мәліметінше, 10 қазанда сағат 19:00 шамасында 17-шағынауданда мәйіт табылды деген шақыру келіп түскен.
Оқиға орнында зорлық-зомбылық белгілері жоқ 16 жастағы қыздың мәйіті табылған.
«Бұл дерек ҚР Қылмыстық кодексінің 105-бабы бойынша Ақтау қалалық СДТБТ-да тіркелген. Сот-медициналық сараптама тағайындалды. Тергеу мүддесі үшін өзге ақпарат жария етілмейді», – деді облыстық Полиция департаментіндегілер.
Жылдам ақпарат алу үшін Facebook, Instagram желілері мен Telegram каналымызға жазылыңыз!