Бүгін азанда Әйтеке би кентінде құдыққа құлаған 76 жастағы апаны №9 өрт сөндіру бөлімінің қызметкерлері құтқарып қалды.
В.Счастнов көшесі №22/3 үйдің тұрғыны Людмила Маньшина ауласындағы тереңдігі 4 метр болатын ауыз суға арналған құдықтан насосты алу кезінде ағаш сатысы сынып, құдыққа құлап кеткен.
Абырой болғанда, дәл осы уақытта оны көршісі Айнагүл Керімова байқап қалып, құтқарушыларға хабар берген. Оқиға орнына дереу жеткен Қазалы ауданы №9 өрт сөндіру бөлімінің қызметкерлері апаны құдықтан алып шығып, жәдел жәрдем қызметкерлеріне тапсырған.
Жылдам ақпарат алу үшін Facebook, Instagram желілері мен Telegram каналымызға жазылыңыз!