Ақтөбе облысында енді ғана дүниеге келген киік төлдеріне GPS-датчик орнатылған арнайы сырғалар тағылып жатыр, деп хабарлайды Zakon.kz.
«24kz» телеарнасының мәліметінше, мамандар киіктердің көшу жолдарын бақылау үшін сырғаның екі түрін қолданады: кәдімгі сырға аталықтарға тағылады, ал GPS-датчигі бар сырға аналықтарға орнатылады.
«Датчик күн батареясы арқылы жұмыс істейді және жануардың көшу бағытын үш жыл бойы бақылауға мүмкіндік береді», – делінген сюжетте.
Датчиктің салмағы – 32 грамм. Ол киіктің орналасқан жері туралы сигналды тәулігіне төрт рет жібереді.
«Жақында бір киік төлі біз оны тапқан жерден 7 шақырым қашықтықта белсенділік көрсетті. Бұл киік төлдерінің күн сайын күшейіп келе жатқанын, яғни белсенділігі артып, аналықтарының соңынан еріп жүргенін білдіреді», – деді Батыс Қазақстан өңірлік ҮЕҰ қауымдастығы «Табиғи орта» ұйымының директоры Айбат Музбай.
Қазір Зоология институтының қызметкерлері үш ауданның шекаралас аумағында жұмыс жүргізіп жатыр:
- Мұғалжар;
- Байғанин;
- Шалқар аудандары.
Бұл аумақта киіктің Үстірт популяциясы таралған. Төлдеу кезеңінде жануарларды бақылап, қорғауды «Охотзоопром» мамандары қамтамасыз етеді.
Жылдам ақпарат алу үшін Facebook, Instagram желілері мен Telegram каналымызға жазылыңыз!