Аймақ басшысының бастамасымен Президент саябағында жылдың төрт мезгілінде үздіксіз жұмыс істейтін 300 орындық заманауи балалар тынығу лагері мен Ботаникалық білім беру орталығы, яғни қысқы бақ құрылысы қарқынды жүргізілуде. Нысандар биыл ел игілігіне пайдалануға беріледі деп күтілуде.
Бүгін қала әкімі Нұржан Ахатов құрылыс алаңына барып, жұмыстың барысын көрді. Мердігер мекеменің мамандарымен кездесіп, құрылысшыларға ауқымды жобаның жауапкершілігін назарға салды.
«Лагерьдің құрылыс сапасы мен қауіпсіздігін арттыру үшін қатаң талап қойылады. Өйткені бұл лагерь еліміздегі баламасы жоқ балалардың демалыс орны болады. Ботаникалық бақ та сондай сұраныстағы нысанның бірі. Сондықтан ел асыға күткен жобаларды межеленген мерзімде аяқтау керек», – деді Нұржан Сәбитұлы.
Айта кету керек, нысандар құрылысын «Alem Qurylys AQ» ЖШС-гі жүргізуде.
Жылдам ақпарат алу үшін Facebook, Instagram желілері мен Telegram каналымызға жазылыңыз!