2 ақпан күні Қызылорда облысы Полиция департаментінің патрульдік полиция батальон қызметкерлерімен «Қауіпсіз жол» іс-шарасы барысында Қызылорда қаласы, Торайғыров көшесі бойында «Мерседес Бенц» автокөлігі тоқтатылды.
Құжаттарын тексеру барысында 28-жастағы жүргізушінің автокөлікті алкогольдік масаң күйде басқарғаны анықталды. Жүргізушіге жасаған әкімшілік құқық бұзушылығы үшін Қазақстан Республикасының ӘҚБтК-нің 608 бабының 1 бөлігімен (Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы) әкімшілік хаттама рәсімделіп, сотқа жолданған.
Жүргізуші сот шешімімен 15 тәулікке әкімшілік қамаққа алынып, 7 жылға көлік жүргізу құқығынан айырылуы мүмкін.
Қызылорда облысы Полиция департаментінің баспасөз қызметі