Қызылордалық полицейлер жүргізген «Браконьер» жедел-профилактикалық іс-шарасы барысында заңнамаларды бұзудың 58 дерегі анықталды. Ақпаратты облыстық полиция департаментінің баспасөз қызметі ұсынып отыр.
Биылғы жылдың қыркүйек айының 10 мен қазан айының 10күндері аралығында облыс көлемінде «Браконьер» жедел-профилактикалық іс-шарасы өтуде.
Іс-шараның басты мақсаты – табиғат қорғау заңнамасын бұзушылықтарды, биологиялық ресурстар объектілері мен өнімдерінің заңсыз айналымын анықтауға және жолын кесуге, экологиялық қылмыстарды ашуға бағытталған.
– Жүргізілген рейдтік шаралардың барысында полицейлер 14 күнде табиғат қорғау заңнамаларын бұзушылықтың барлығы 58 дерегін анықталан, 2 қылмыстық іс және 56 әкімшілік құқық бұзушылық. Оның ішінде жануарлар дүниесiн пайдалану талаптарын және аң аулау қағидаларын бұзудың (ҚР ӘҚБтК-нің 382-бабы) 32дерегі анықталды.Заңсыз балық аулау (ҚР ӘҚБтК-нің 383-бабы) бойынша 18 әкімшілік хаттама толтырылып, айыппұлдар салынды, – дейді полиция департаментіндегілер.
Қоғамдық орындарды ластаған 3 мыңнан астам тұрғын жауапкершілікке тартылған
Қызылордада жыл басынан қоғамдық орындарды ластаған 3 мыңнан астам тұрғын жауапкершілікке тартылған. Бұл туралы облыстық полиция департаментінің баспасөз қызметі хабарлады.
Облыс әкімінің бастамасымен аймағымызды абаттандыру және көркейту бағытында қарқынды жұмыстар жүргізілуде. Дегенмен ортақ пайдаланылатын орындарды ластау деректері жиі орын алуда. Статистика көрсеткендей, жыл басынан облыста қоғамдық орындарды ластағаны үшін Қазақстан Республикасы Әкімшілік құқық бұзушылықтар туралы Кодексінің 434-2-бабында көзделген әкімшілік жауапкершілікке 3086 адам тартылды. Олардың 179-ы бір жыл ішінде қайталап, құқық бұзушылық жасаған.
А.АҚЫЛБЕК
Жылдам ақпарат алу үшін Facebook, Instagram желілері мен Telegram каналымызға жазылыңыз!