Дүйсенбі, 04 наурыз, 15:40

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№18 (2028)
02.03.2024
PDF мұрағаты

Ішкі істер министрлігі ауқымды операция басталғанын мәлімдеді

01.06.2022

817 0

Ішкі істер министрінің орынбасары Ержан Саденовтың төрағалығымен “Қарасора-2022” жедел-алдын алу іс-шарасының ресми ашылуы өтті, деп хабарлайды Polisia.kz. 

Оған қорғаныс, Цифрлық даму, инновациялар және аэроғарыш өнеркәсібі министрліктері мен жергілікті атқарушы органдардың өкілдері қатысты. 

Операцияны Ішкі істер министрлігі жыл сайын 1 маусым мен 30 қазан аралығында жүргізеді. Оның міндеті – Қазақстан аумағындағы есірткінің шикізат базасын жою, есірткіні шетелден жеткізу арналарына тосқауыл қою, сондай-ақ құрамында есірткі бар өсімдіктерді өсіру мен дайындау фактілерінің жолын кесу. 

Операцияны ұйымдастыруға Қорғаныс министрлігі, Ұлттық ұлан, ІІМ және “Ғарыш Сапары” АҚ күштері мен құралдары жұмылдырылған. 

ІІМ құрамында есірткі заттары бар, тыйым салынған өсімдіктерді заңсыз өсіргені үшін қылмыстық жауапкершілік, сонымен қатар, есірткі құралдары мен жабайы өсетін сораның тізбесіне енгізілген өсімдіктерді жоюға шаралар қолданбағаны үшін әкімшілік жауапкершілік қарастырылғанын ескертеді. 

Заңсыз егістер мен өсетін жерлер, құрамында есірткі бар жабайы өсімдіктер анықталған жағдайда, құқық қорғау органдарына дереу хабарлау қажет.

Анықтама ретінде: Ауыл шаруашылығы дақылдары егістерінде, бақтарда, питомниктерде және саябақтарда, егістіктердің жиегінде, тас жолдар мен темір жолдар маңайында, мекемелер аумағында, қалалар мен басқа да елді-мекендер тұрғындарының жер учаскелерінде, сондай-ақ мемлекеттік орман және су қорлары, мемлекеттік қордағы және орман қоры жерлерінде жабайы сораны жоюға шаралар қолданбау әкімшілік айыппұл салуға әкеп соғады: 

– жеке тұлғаларға 10 АЕК мөлшерінде; 

– шағын кәсіпкерлік субъектілеріне немесе коммерциялық емес ұйымдарға-40 АЕК; 

– орта кәсіпкерлік субъектілеріне – 70 АЕК; 

– ірі кәсіпкерлік субъектілеріне-100 АЕК. 

Құрамында есірткісі бар өсімдіктерді егу немесе өсіргені үшін 2 000 АЕК дейінгі мөлшерде айыппұл салу, сол мөлшерде түзеу жұмыстары, немесе 600 сағатқа дейінгі мерзімге қоғамдық жұмыстарға тарту, 2 жылға дейін бас бостандығын шектеу немесе сол мерзімге бас бостандығынан айыру көзделген.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: