Ағымдағы жылдың 25 ақпанында ЗК 169/5 түзеу мекемесінің спорт кешенінде “1наурыз-Алғыс айту күніне” орай, қоғамнан оқшаулаумен байланысты емес жазаға сотталғандар тарапынан құқық бұзушылықты болдырмау және алдын-алу мақсатында пробация қызметінде есепте тұрған азаматтарды спорттық іс-шараларға тарту бойынша волейболдан спорттық іс-шарасы ұйымдастырылды.
Жарыс 5 команда арасында, яғни Қалалық пробация қызметі мекемесінен 2 команда, бөлімге қарасты «Өмірлік қиын жағдайда қалған азаматтарды қайта әлеуметтендіру» орталығынан 1команда, «Қылмыстық жазасын өтеген адамдарды әлеуметтік бейімдеу мен оңалту» орталығынан 1 команда, «Белсенді ұзақ өмір» орталығынан 1команда қатысты. Жарысқа Қызылорда қаласының дене шынықтыру және спорт бөлімінің арнайы мамандары мен бас төреші команда арасында өткізіліп жатқан ойындарға басшылық жасады.
Жарыс нәтижесімен 4 команда жеңімпаз атанып, кубок, мадақтама грамоталар және медальдармен марапатталды.
Тұрар Бекмырзаев
Жылдам ақпарат алу үшін Facebook, Instagram желілері мен Telegram каналымызға жазылыңыз!