Бейсенбі, 02 мамыр, 09:56

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№34 — 2044
30.04.2024
PDF мұрағаты

Төлқұжат пен ЖСН-ды пайдаланған: Алматыда ерлі-зайыпты алаяқтар 41 адамға несие рәсімдеген

24.10.2021

456 0

Алматыда екі алаяқ азаматтардың құжаттарын пайдаланып 4 миллион теңгеден астам несие алған. Екі жыл ішінде күдіктілер 41 адамның төлқұжат деректері бойынша шағын несие рәсімдеді, деп хабарлайды Stan.kz ақпарат агенттігі.

Алматы қаласы полиция департаментінің баспасөз қызметі хабарлағандай, ұсталғандар 26 жастағы ер адам және 27 жастағы әйел. Ерлі-зайыптылар Алматыда тіркелген микроқаржы ұйымына қатысты алаяқтық жасады деген күдікке ілінді.

2019 жылдан бастап алаяқтар тауар сатып алу үшін ақша аудару сылтауымен интернет-дүкені сатушыларынан олардың ЖСН мен банк картасының деректемелерін алған.

Сатушылардың төлқұжат мәліметтерін пайдалана отырып, олар МҚҰ сайтында онлайн режимде микрокредит алуға өтінім беріп отырған. Ақшаны алғаннан кейін сатушылармен қайтадан байланысқа шығып, оларға абайсызда ақша аударғанын хабарлап, оларға басқа банк картасына ақшаны қайтаруды сұраған, – деп түсіндірді Алматы ПД бастығының орынбасары полиция подполковнигі Рустам Әбдірахманов.

МҚҰ-дан өтініш полицияға 41 адамнан төлемдер бойынша кешіктірулер пайда болғаннан кейін келді. Барлық «қарыз алушыларды» тапқаннан кейін полиция олардың қарызды өздері алмағанын анықтады.

Күдіктілерге қатысты қылмыстық істі тергеу іс жүргізумен аяқталды. Оның материалдары үкім шығару үшін сотқа берілді. Күдіктілер қамауға алынды.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: