Дүйсенбі, 24 маусым, 14:51

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
49-2059
22.06.2024
PDF мұрағаты

Үш жыл бойы 14 жастағы қызын зорлап келген өгей әке сотталуы мүмкін

18.07.2023

599 0

Түркістан облысында 14 жасар қыз өгей әкесі оны үш жыл бойы зорлап, интимдік суреттермен бопсалап келгенін айтты. Бұл туралы Stan.kz ақпарат агенттігі хабарлайды.

Жасөспірімнің айтуынша, бірінші рет осындай жағдай орын алған кезде ол небәрі 11 жаста болған. Осыдан кейін 49 жастағы күдікті оған бірнеше рет зорлық-зомбылық көрсетіп, интимдік сипаттағы фотосурет пен бейнежазбалармен қорқытқан.

“Егер оған қарсылассам, онда бәрін интернетке салып жіберемін деп қорқытты. Ол менің сіңлілеріме де қол тигізгенін, оларға көз салғанын айтты”, – деді жәбірленуші.

Мұндай жағдай қайталанғаннан кейін жасөспірім шетелде жұмыс істейтін әкесіне қоңырау шалды. Жақындары қызды алып кетті, содан кейін ол үш жыл бойы көрген қорлығын айтып берген. Жасөспірімнің туыстары туған анасы мұның бәрін білді дейді. Бірақ ол полицияға арыз жазудан бас тартты.

“Аптасына үш рет бойы қорлаған, не сұмдық! 12 жастағы балаға тиіскен, бұл құбыжық, бұл адам емес, педофил! Қыздың өзі анасының хабардар екенін айтты, үш жыл бойы анасы үндемеген”, – деді қыздың тәтесі Саёора Әлімбекова.

Үйде тағы төрт бала бар екен, олардың үшеуі – қыз. 

49 жастағы ер адам ұсталды. Полиция тергеу жүргізуде.

“Аталған факті бойынша полицейлер ҚК-нің 120-бабы «Зорлау» бойынша тергеу жүргізуде. Күдікті ретінде Төлейбі ауданының тұрғыны анықталып, қамауға алынды. Тергеу жүргізіліп, тиісті сараптамалар тағайындалды”, – деп мәлімдеді Түркістан облыстық ПД аса маңызды істер жөніндегі аға тергеушісі Ақерке Шалхарова.

Қыздың туыстары ер адам ауыр жазаға тартылады деп үміттенеді. Егер күдіктінің кінәсі дәлелденсе, ол он бес жылдан он жеті жылға дейін бас бостандығынан айырылуы мүмкін.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: