Павлодар облысында аттан құлаған спортшы комаға түсті. Бұл туралы Stan.kz ақпарат агенттігі хабарлайды.
«11 тамыз күні сағат 15:00-де Екібастұз қалалық ауруханасына 1996 жылы туған науқас түсті. Оны жеткізген жедел жәрдем бригадасының мәліметінше, жас жігіт көкпар ойнап жүріп аттан құлап кеткен», – деп хабарлады Павлодар облысының денсаулық сақтау басқармасы.
Дәрігерлер науқастың жағдайын өте ауыр деп бағалап отыр. Ол жасанды тыныс алу аппаратында медициналық индукциялық комаға түскен.
Павлодар облысының полиция департаменті Баянауыл ауданында өткен көкпар кезінде командалардың бірінің ойыншысы аттан құлағанын растады. Күзетшілер тексеріп жатыр.
Жылдам ақпарат алу үшін Facebook, Instagram желілері мен Telegram каналымызға жазылыңыз!