Батыс Қазақстан облысында 2 жасар баланы жылқы теуіп өлтірді. Бұл туралы Stan.kz ақпарат агенттігі хабарлайды.
Оқыс оқиға 30 маусым күні Бәйтерек ауданы, Щапов ауылында болған.
Тұрғындардың айтуынша, үйінің есігінің алдында жүрген баланы жылқы тепкен. Оқиғаны көрші әйел көрген. Баланы ата-анасы облыстық көпбейінді балалар ауруханасына жеткізгенмен, оны аман алып қала алмаған.
Бүлдіршін бүгін жерленді.
Қазіргі кезде оқиғаның жай-жапсары анықталып жатыр.
Щапов ауылдық округінің әкімі мен аудандық полиция бөлімі ақпаратты растады.
Жылдам ақпарат алу үшін Facebook, Instagram желілері мен Telegram каналымызға жазылыңыз!