Сейсенбі, 06 желтоқсан, 15:26

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№97 (1901)
06.12.2022
PDF мұрағаты

Мазақтама өлеңдер

01.03.2022

319 0

ЕРКЕ

Сарнап тұрып ертесін,

Сұрайтын қант, бөлкесін

Сен бір жаман еркесің!

Әкеңнің де желкесін,

Көкеңнің де желкесін

Жауыр қылған еркесің!

СОТҚАР

Сотқар,сотқар, сотқарсың!

Кішілерге шоқпарсың,

Үлкендерге көкпарсың!

Сотқар болсаң, сотқар бол,

Бір таяқ жеп тоқтарсың!

ЖАЙБАСАР

Өй, жәйбасар, жәйбасар!

Жәйбасарды май басар.

Жеткенше үйге жәйбасар,

Жұрт орынға жайғасар.

Әй, жәйбасар, жәйбасар,

Жәйбасарды май басар!

МАҚТАНШАҚ

Әй, мақтаншақ, мақтаншақ!

Оянғаннан жатқанша,

Жатқаннан таң атқанша

Мақтанасың, мақтаншақ.

Қояр ма еді құлыптап,

Аузыңды бір жапқан шақ!

МАУБАС

Маубас, маубас, маубассың!

Мүлгігеннен танбассың.

Қалғығанға қанбассың…

Өміріңді осылай

Ұйықтап өтсең оңбассың!

Қадыр Мырза-Әлі

Тағы да оқыңыз: